Onkemma samma,
oi ham se gfreit,
in‘d Zimma samma gonga,
ois angstopft mit Zeig.

Auf de Pistn samma gstürmt,
des woa a Hit –
owa trotzdem hat nit jeda
sei Schikoartn mit.

So wias hoit is,
obn samma gwen,
noch a poa schwüng
samma eh scho oi glegn.

Schlofn hätt ma soin,
owa wen gfreit des scho?
kudat hamma
und goggit wia da Ho

Vüz frai samma aufgstandn,
am liabsten hätt ma gschrian,
wia di Lehrer nach da Reih
bei da Tür eina spazian.

Der Werwolf hat uns hoamgsuacht-
er hat unsa Leben verändert,
koa Sorg, es is nur a Spü,
nur – de Eva hat de Spüregeln a bissl geändert.

Carvellinos – oder Carvelettis,
so genau nimmts koana
de kloan Schi auf jedn Foi,
wenn’s oan z’reißt, donn is zum Woana.

Beim Zipfelbobfoan,
do foan ma in ana anderen Liga,
die Hannah, de zlegts,
und die Betty foat immer wieder.

Heit hat’s stürmt und gschniebn,
jeden hats verwaht,
noch a poa Moi auf und ob
hat’s sowieso neamb mehr zaht.

Zusammengfasst homma glocht und great,
und hoffen, dass des
oane von unsara besten Erinnerungen weard.